المستهلك المصري مازال تنتابه هواجس التسويق الاكتروني في الشراء عبر النت او التصفح لمواقع ومتاجر الشراء المختلفة ظنا منه انها نوع من انواع النصب والاحتيال وانه طالما لم يري المنتج او يلمسه في يده فهو دائما متشكك
انا كنت ابتديت فكرة مشروع خاص من حوالي سنة تقريبا وهو عبارة تقدريم كتالوجات الكترونية للشركات والمصانع لعرض منتجاتها من خلالها .. بمعني ايه .. ان الشركة بدل ما بتروح تطبع كتالوج في المطابع وتكلف تمن طباعة ونقل ومصاريف توزيع كل ده عبئ مالي علي ميزانية التسويق في الشركة ..
بدل ده كله تقوم تعمله كتالوج الكتروني بالفلاش يتقلب صفحاتة علي الكومبيوتر او اللاب توب كانك بتقلب صفحات مجلة او بروشور حقيقي في ايدك ( زي كده جرنان الوسيط اونلاين لو انت بتشوفة بيتقلب كأنك ماسكة في ايديك ).. ويبقي الكتالوج ده يا اما يبقي علي سيديهات ويتوزع علي العملاء مثلا .. او لو للشركة موقع الكتروني ممكن ترفعة عليه بحيث ان العملاء تتصفحة اونلاين .. دي طبعا الفكرة بخطوطها العريضة زي ما بيقولوا .. لكن ساعة التنفيذ بيبقي فيه تفاصيل كثير قوي بتشملها الفكرة دي علشان يطلع منتج نهائي علي درجة عالية من الجودة وينال استحسان العملاء
انا كنت ابتديت الموضوع فعلا وقدرت اعمل لبعض الشركات .. بس الفكرة انك انت عندك في مصر هنا .. وزي ما قلت في اول كلامي مازال فكر التسويق الالكتروني مش متطور ومش ناس كثير بتفهم فيه او بتقدر تتقبله ... مش عيب من الشركات .. لكن عيب من العملاء .. لان العميل ما زال لسه عنده حته انه يحب يمسك الحاجة ويشوفها باديه
فطبعا بيبقي دايما المناقشات بيني وبين الادارة التسويقية في المكان عن مدي مصداقية الكتالوج لدي العميل .. وبالذات لو كان العميل كبير السن .. بمعني ان جيل الشباب وانا منهم دلوقتي خلاص انا بشتري معظم حاجتي اونلانين وبحجز منتجات او خدمات اونلاين .. واصبح التعامل الالكتروني بالنسبة ليه يمثل جزء كبير من حياتي اليومية ..
لكن ماذا عن الجيل الذي يسبقني ... وماذا عن العملاء في اماكن مختلفة لايوجد بها تطور تكنولوجي معين ...
اعتقد ان الحل يكمن في ضرورة نشر التوعية الالكترونية وتعاملاتها بين الناس ... اولا هي سوق فعال ومرن ويتقبل الكثير من التعديلات والتحديثات بصفة مستمرة من اجل تطويرة ... بالاضافة الي قدرته مع انتشار الانترنت علي خدمة قطاع كبير من شرائح المجتمع وهو ما سوف يشبع تطلعات الشركات في الانتشار في الاسواق .
No comments:
Post a Comment