مش عارف اضحك ولا اعيط .... بعد ما كنت اعتقدت وتاكدت تماما اني حاعيش واموت ولسه مبارك هو اللي بيحكم او علي الاقل حد من ريحته .صحيح انا لما اتولدت كان السادات الله يرحمه هو رئيس الدولة بس مش اوعي عليه قوي ... لكن للاسف اول ما ابتديت اوعي وافهم واميز الناس اللي حواليا .. ماكنش فيه غير غراب البيت ده هو اللي في وشي علي مدار السنين اللي فاتت .
عمري 35 سنه تقريبا ومكنتش اصدق انه حاييجي اليوم اللي حاصبح فيه الصبح مالاقيش مبارك ....
فرحااااااان مووووت ... لحظة ماسمعت عمر سليمان وهو بيقول تنحي .. من قبل ما يقول بقيت السطر كنت بصرخ باعلي صوتي لدرجة حسيت ان صوتي وصل لميدان التحرير ....
خلعنا مبارك .. وليس تنحي .... مسمار مصدي كان لازق في جسم مصر
خازوق مغري راشق في جسمك يابلادي .. وعمال ينشر الغرغرينا في كل حته فيكي .. عايز يسيبك دايما مريضة ومحتاجة علشان ماتفوقيش وتحاسبيه علي اللي عمله فيكي .
صمودك يا مصر وصمود ولادك .. خلع المسمار منك .... صمودك يا مصر وصمود ولادك .... حايخفف الامك .. ويداوي جراحك
الله اكبر .... الله اكبر
سقط الطاغية ... وستسقط معه كل الحاشية ان شاء الله
No comments:
Post a Comment