ماحدث في حفل الانشاد الديني بالمنيا

ده تجميع لاحداث ما حدث في حفل الانشاد الديني " لفريق في قلب مصر " و # فريق " ايد في ايد "  في قاعة الاحتفالات بالمنيا اليوم .. والحفل كان برعاية المحافظ .. بعد ما قام السلفيون بقيادة نائب سلفي بالتهجم علي الحفل تحت اعين الداخلية والامن وقاموا بمنعه وممارسة البلطجة لارهاب ضيوف الحفل الموجودين وكان عددهم يفوق ال 3000 شخص

النقاط التالية مجمعة من تويتات @phil0oo و @Andyegypt

مرفق صورة من البوستر اللي وزعة السلفيين .. وفيديو قصير من تجمهرهم وهتافاتهم لمنع الحفل

·        الحفله بدايه ان الدعايه بتعتنا كانت مغرقه المنيا كله مكنش في شارع مفوش بوستر او بنر..هما كانو بيقطعو كل حاجه ورانه

·        في حفلة انشاد وطني وديني في ارض المعارض منظمنها مجموعة من الشباب, اتجمعوا السلفيين قدام الحفلة لمنع الناس من الدخول

·        كانو بيقطعوا البوسترات وارانا و يلزقو علينا ورق المهم جه يوم الحفله و بدأت الحفله و الناس بدأت تيجي ..

·        جه السلفين اتجمعو بره الارض وكانو بيوزعو ورق عن ان الغنا حرام وان البيتقال ف الحفله ترانيم مسيحه عشان محدش متدخلش

·        السلفيين وزعوا ورق بيقولوا فيه ان الغنا والمزيكا بيقودوا الناس للزنا, ووقفوا البنات والستات اللي داخلين ومنعوهم من الدخول

·        الناس كانت مش معبراهم خالص وكانت بتدخل كان كلنا مسلمين و مسيحين‎ ‎العدد وصل تقريبا 3700فرد

·        لما العدد زاد وملقوش مفر و هما خسرانين و محدش معبرهم كان في ناس كتير بيتصدرو لهم في الكلام ابرزهم احمد و اندي

·        جهه مدير الامن مرضيش يدخل الحفله و اصر انه يفضل واقف بره مع الحرس في الوقت ده كان السلفين راحو يصلوا

·        خلصو صلاه و رجعو بعدد اكتر وكان بيحشدوا عدد من اقذر اماكن في المنيا منطقه اسمها ابوهلال و السلاخانه

·        السلفيين ولعوا في فرع شجرة علشان يخوفوا الناس تدخل

·        الناس خرجوا يجروا مزعورين وخرجوا من الحفلة

·        السلفيين واقفين بيهتفوا اسلامية اسلامية قدام الباب بيحاولوا يقتحموا الباب علي باقي الناس اللي جوة

·        بدأه يهددو مدير الأمن ان الحفله لو متلغتش هيكون في عنف ودخل مدير الأمن لما لقي الدنيا مش امان و استأذنا انهاء الحفل ..

·        بعد مرور 3/4 الحفله طبعا كان مستحيل نكمل حفاظا علي الناس لانهم اهم ..بدأت الناس تخرج من الباب الكبير في وش السلفين

·        مجموعة من 6 ابريل والأولتراس واقفين ضد السلفيين بيهتفوا ضددهم والسلفيين وقفين في اعداد كبيرة بيهتفوا اسلامية وبيدعوا للجهاد

·        من حسن حظنا ان كان في فتحه ف السور قدام كنا سادينها كان اندي قفل الباب اللي ورا بعد ما حاول السلفين الدخول وخرجنا الناس

·        طبعا كان في ذعر شديد و في اطفال تاهت بس كله تمام ولمينا الآلآت بسرعه عجيبه جدا و نشكر ربنا قدرنا نوصل رسالتنا ..

·        كل ده في حضور الأمن ضباط وعساكر الداخلية

·        الموضوع كبير قوي والسلفين بيسخنوا كل الناس بطريقة زبالة وواحد منهم نزل من علي موتوسيكل بيطلع سلسلة علشان يضرب الناس لكن ظابط مسكوا منعوا

·        مفيش واحد من اللي بوظوا الحفلة اتمسك ولا اتقبض عليه لكن لو كان الموضوع قدام سفارة كان زمانهم رمين العيال في الحبس

·        عربيات كتير امن مركزي والظباط بيحاولوا يمشوا المتظاهرين من الشباب منظمين الحفلة و6 ابريل والأولتراس

·        وفي مشهد عبثي الشيخ السلفي بيزعق لمدير الأمن وبيقولوا الحفلة دي متتكررش تاني انت فاهم ولا لأ !!

·        السلفيين بيحاولوا يزيعوا اشاعة ان دي كانت حفلة للتنصير علشان الناس تسخن ويقتحموا الباب والحفلة علي الناس اللي جوة

·        اللي بيحصل في المنيا ده عبث وخرا ولازم يبقي فيه خرا نيلة اجراء وإلا المرة اللي جاية هاتبقي أنيل

·        انا مسؤل عن كل كلمه قلتها و دي الحقيقه مفيش غيرها و الناس كل بخير و مفيش اي هجايص ان الحفله حفله تنصر ..انتهي 

عندما يكون لبكر التواليت استخدامات أخري :)

سقير جوكسباج .. فنان تركي يعيش في همبرج ،، يبدع في تكوين لوحات مدهشة من مواد غريبة

وفي تلك اللوحات .. استخدم بكر التواليت

عندما تتطاول الداخلية علي هيبة الدولة

عندما يتحدي بعض الظباط الفاسدين وزير العدل ومستشار رئيس الجمهورية .. ورئيس الجمهورية ذاته ..

أين اذا تطهير الداخلية .. وعودة الأمن الذي تحدث عنه مرسي أكثر من مرة .. ان هي الا قرارات علي ورق .. ولايوجد لها أي وجود علي أرض الواقع ..

مازالت الداخلية فاسدة .. متعفنة من الداخل .. تطهير بعض اداراتها لا يكفي .. تغيير بعض قياداتها لا يكفي

لابد من التطهير والكامل والابادة الكاملة لكل نواحي الفساد فيها ..

لابد ان يشمل التطهير والابادة كل القيادات والمراكز من اصغر رتبه الي اكبر رتبه .. ولا يعفي أو يستثني احد تحت أي ظرف من الظروف أو لأي سبب من الأسباب

ليس من المعقول أن يكون هناك جهاز رقابي لكل وزارة ولكل ادارة .. لابد من تفعيل نظام رقابة داخلية صارمة لا تقبل التهاون في حق أي مواطن مهما كان

لانريد أن قرارات .. لا نريد شعارات .. فقط أفعال نلمسها بأيدينا علي أرض الواقع

شهادة د. تقادم الخطيب .. وما جاء في تفاصيلها .. يؤكد أن ظباط الداخلية .. لا يكترثون لرئيس الدولة ولا لهيبة الدولة .. ويتحدوا الجميع بكل صفاقة ..

د. تقادم الخطيب أستاذ جامعي وناشط سياسي وعضو في لجنة تقصي الحقائق التي شكلها رئيس الجمهورية للتحقيق في أحداث الثورة يحكي شهادته عن ما تعرض له شهادته في كمين للداخلية ومحاولة تلفيق تهمة حيازة حشيش له:

١-كنت استقل أتوبيس السوبر جيت لقضاء إجازة العيد مع أهلي في الصعيد بمحافظة الأقصر وعند مدخل مدينة نقادة بمحافظة قنا تم إيقاف الأتوبيس.

٢-صعد إلي الأتوبيس ضابط شرطة برتبة ملازم أول أحمد فتحي عرفت اسمه بعد كده وكان معاه ٢أمناء شرطة وكان بيطلب البطاقات الشخصية وانا لم اكن منتبه

٣-توجه نحوي وقال لي طلع بطاقتك فقلت له ماشي وانا بأطلع البطاقة رفع صوته وقال خلص بسرعة يالا.رفضت أسلوبه وقلت له لا تكلمني بهذه الطريقة

٤-انت مش من حقك تكلمني بهذه الطريقة لا يوجد قانون طوارئ يبرر هذا الأمر والدنيا التغيرات فيه ثورة حصلت في البلد ضد التعامل بالطريقة دي

٥-رد وقال لي جيب البطاقة وأعطيته البطاقة وبعدها قال لي انت مش عامل نفسك راجل كمل لحد الآخر وشوف اللي حيحصل لك ايه ورفضت النزول معاه

٦-بعدها مباشرة كلمت مساعد وزير العدل أمين لجنة تقصي الحقائق اللي انا عضو فيها وشرحت له الموقف فقال لي حدد لي مكانك بالضبط وانا حاتصرف

٧-بعدها مباشرة صعد الأتوبيس عسكري وقال لي انزل ضروري وانا باكلمك بالذوق لأنك لو مانزلتش بالذوق حتنزل بالعافية والذنب حيكبرعليك جداًرفضت انزل

٨-بعدها على طول طلع ضابط امن مركزي وقال لي انزل يا حيوان فرفضت النزول وقلت له خليك محترم،فيه واحد راكب جنبي قال له ده دكتور في الجامعة

٩-رد ضابط الأمن المركزي وقال له طظ فيه وفي الجامعة ولازم ينزل، رفضت النزول وكلمت على طول مستشار الرئيس المهندس محمد سيف الدولة ابلغه بالأمر

١٠-وانا باكلم مستشار الرئيس صعد الأتوبيس ملازم اول محمد عمر عرفت اسمه بعد كده وخطف التليفون من ايدي وشدني من ذراعي وضربني في بطني بالبوكس

١١-الخط كان مفتوح ومستشار الرئيس سمع كل حاجة وسمع الشتيمة القبيحة من الضابط ولما شدني الضابط دفعني ناحية سلم الأتوبيس والجنود بعدها استلموني

١٢-كل واحد من الجنود كان ماسكني من ناحية والضابط كان بيضربني في اللحظة دي بإيديه ورجليه وشدوني ناحية الضابط الأول أحمد فتحي ولما شافني قال

١٣-الضابط لما شافني قال لي اديك نزلت بالعافية يا ابن الوسـ** وحط إيده في جيبه وطلع قطعة حشيش من جيبه وقال لي انا حلبسك قضية المخدرات دي

١٤-وحاكتب في المحضر أني ضبطتها معاك يامعـ** وخلي حد يطلعك من الناس اللي بتكلمها،فقلت له وضميرك فين قال لي ضميري عند أمك ياابن المرة.......

١٥-بعدها مباشرة الضرب اشتغل فيه تاني وأخذوا يضربوني ويدفعوني على عربية البوكس ويمارسوا أسلوب القهر ضدي وشتائم لا يمكن وصفها

١٦-الناس اللي راكبة في الأتوبيس شافت الكلام ده فصعبت عليها فنزلوا يترجوا الضباط فقالوا ليهم ده كلب ولازم نعلمه الأدب ويبقي حد يطلعوامن عندنا

١٧- الضباط مشوا الأتوبيس وكنت لوحدي واخدوا التليفون مني وجاني الضابط أحمد فتحي وقال لي الثورة في التليفزيون بس مش هنا، هنا مافيش ثورة

١٨-وقال لي انت حتقعد معانا أسبوع اتنين ثلاثة لحد ما نشوف مين اللي حيقدر يطلعك ومركبين عربية البوكس وركب معايا عسكري فقلت له عاوز اعمل مكالمة

١٩-العسكري قال لي مش حاقدرأعطيك التليفون قدامهم فقلت له حاعطيك فلوس فوافق وقال لما يمشوا بعيد عن العربية لأنك لو ماكلمتش حد حيموتوك في القسم

٢٠-الضابط رجع البوكس وقال لي انت بقي بتاع الثورة وتباع لجنة تقصي الحقائق طاب ابقي جيب حقك الأول علشان تعرف تجيب حق اللي راحوا لأنك حتحصلهم

٢١-وبعدها نزلوني من العربية وركبوني عربية تانية وكان راكب فيها ٤شباب غلابة جداً وسمعت الضابط بيقول العيال دي معاهم حشيش كمان ولازم محضر ليهم

٢٢-وصلنا قسم شرطة نقادة وهناك كان رئيس المباحث منتظرني اول مانزلت من العربية وقال لي أتفضل معاي على مكتبي وكنت وقتها منهك تماماً

٢٣- كنت ماسك بطني من الضرب وطلبت منه انه يجيب لي تليفوني من الضابط فجاب لي التليفون وعملت اتصالاتي بناس كتير علشان أقول لهم انا فين بالضبط

٢٤-كلمني بعدها مساعد وزير العدل وقال لي الدنيا كلها عرفت بموضوعك وماتخافش وبعدها بشوية جاءني ٣عمداء وعقيد أحدهم رئيس شعبة واعتذروا لي فرفضت

٢٥- بعدها كلمني مساعد وزير الداخلية مدير الأمن واعتذر لي فرفضت اعتذاره وقلت له انا عاوز حقي ومش حسيب حقي أبدا لو حصل ايه وانا مش حاسكت أبدا

٢٦-فجأة لقيت اتصال من المستشار العظيم زكريا عبد العزيز وقال لي انا حالا سامع باللي حصل ليك اوعي تنتنازل عن حقك يا تقادم وكلنا معاك

٢٧-كلمت بعدها وائل قنديل وكلمت ناس كتيير علشان الأمر يتحول لقضية رأي عام وكلمت مستشار الرئيس مرة تانية وقلت له بلغ الرئيس باللي حصل معايا

٢٨-بعدها انتقل مدير الأمن للقسم وجاءني وقال لي انا باعتذر بشدة عن اللي حصل والعيال دي حنعرف نؤدبهارفضت اعتذاره وقلت له انا عاوز حقي مش حسيبه

٢٩-في الفترة دي كانت زميلتنا العزيزة حياة اليماني بتتابعني أولا بأول وكانت ناس كتير جداً بتتابعني أيضاً ومدير الأمن كان عاوز يرضيني فرفضت

٣٠-مدير الأمن تركني وقعد مع ضباطه على انفراد وحرروا محضر ضدي أني قمت بالاعتداء على الضباط الثلاثة وعلى القوة وعددها ١٧عسكري معاهم!

٣١-مدير الأمن كان بيتظاهر انه معايا بس هو الحقيقة كان في صف الضباط بتوعه..كنت اتكلمت مع صديقي مالك عدلي وهو اول واحد عرفته بالموضوع

٣٢-مالك قال لي لازم تعمل محضر في القسم وتذكر فيه كل الوقائع وفعلا عملت كده وحررت المحضر في وجود مدير الأمن ووجهت الاتهامات صريحة ومباشرة

٣٣-مستشار الرئيس كلم وزير الداخلية فرد عليه و وقال له اصله وجدوا معاه حشيش فقال له مستشارا الرئيس ده اكاديمي وعيب أنتوعاوزين خالد سعيد تاني

٣٤- بعدها رجع وزير الداخلية وأخبر مستشار الرئيس أني واقعة الحشيش مش معايا مع حد تاني وطبعا هم العيال الغلابة اللي لفقوا لهم القضية

٣٥- وصل عندي شباب الجمعية الوطنية في قنا والمحامين معاهم وحضروا كتابة المحضرضد الضباط ومالك عدلي كان بعت ٣تلغراف لوزيرالداخلية والنائب العام

٣٦- د.هبةرؤوف كانت كلمتني وقالت ماتسيبش الشباب الغلابة فكلمت مدير الأمن وقلت له لازم الناس دي تخرج وفعلا تم إطلاق سراحهم الساعة ٧الصبح

٣٧-الساعة٩الصبح جاءني مساعد وزير العدل لقطاع الجنوب وحاول بكل الطرق والوسائل انه يخليني أتنازل رفضت بشدة وقلت له عاوز حقي مش حأسيب حقي

٣٨-مورست علي ضغوط كبيرة جداً للتنازل فقط عن المحضر رفضت تماماً وحينها أدركت أني محتجز في القسم علشان كده فرفضت وطالبت بعرضي على النيابة

٣٩-كلمت مستشار الرئيس وقلت له انا محتجز وانت مش قادر تطلعني من القسم دول بيضغطوا على علشان أتنازل وكمان بيهددوني فقال لي إياك تتنازل

٤٠-مدير الأمن ومساعد الوزير لقطاع الجنوب كان عندهم رعب ان الضباط يتعرضوا على النيابة ويتحقق معاهم وانا كنت رافض لأي محاولة تهدئة او تنازل

٤١-مع إصراري على انه لازم يتم عرضي على النيابة والضباط لازم يتعرضوا معايا واني مش حاتنازل عن شيء وكم عرفت ان مستشار الرئيس مغلوب على أمره

٤٢-فعلا تم عرضي على النيابة والضباط أتحقق معاهم لمدة ٦ساعات واللي حقق معايا كان مساعد المحامي العام وكان رجلا في غاية التهذيب والاحترام

٤٣-أثناء عرضي على النيابة مستشارين للرئيس احدهما القانوني والآخر للأمن القومي فكانت جملتي لهم طهروا الداخلية وقولوا لمرسي طهر الداخلية

٤٤- تم إخلاء سبيلي بضمان محل إقامتي وكذلك الضابطين والقضية مستمرة والشهود متواجدين ولن أتراجع أبدا واحمل مرسي المسئولية الكاملة لما حدث معي

Get your Google Back :)

إن كنت قد قررت الإنتقال إلى ويندوز 8 بعد إطلاقه رسمياً، ولكنك قلق بخصوص أهم برامج قوقل، فالحل بموقع واحد يقدم لك بخطوتين تحميل تطبيق متصفح الإنترنت كروم وكذلك تطبيق محرك البحث، وبالتأكيد لاحقاً ستضاف باقي التطبيقات الهامة لقوقل.

والموقع الذي سمته قوقل  Get Your Google Back وفيه وصلة مباشرة إلى متجر تطبيقات ويندوز 8 لتحميل نسخة قوقل كروم الخاصة بنظام التشغيل وكذلك تطبيق محرك البحث.

وعملت قوقل على أن تناسب نسخة الكروم واجهة اللمس بسهولة، كذلك أصبحت الأزرار أكبر وذلك لتسهيل النقر بالأصبع.

كذلك تطبيق محرك البحث يوفر أيضاً البحث مباشرة بالصوت كما هو البحث على الويب المعروف، وأصبح عرض الصور في محرك بحث الصور أفضل ويمكن الإنتقال بين صفحتي النتائج من خلال المسح باليد.

كما صممت قوقل فيديو قصير يشرح الموقع وسهولة تنصيب التطبيقات، واللافت أنه يستخدم متصفح إنترنت إكسبلورر الخاص بمايكروسوفت لتحميل تطبيق متصفح الكروم، وبعدها يختفي إنترنت إكسبلورر من التطبيقات في الواجهة ويحل محله أيقونة متصفح الكروم. فهل ستفعل كذلك أيضاً، أم أن إنترنت إكسبلورر القادم مع ويندوز 8 سيعوضك عن كروم الذي طالما احببته؟

المصدر : عالم التقنية

التويتات الموسعة

أطلقت تويتر منذ أشهر التغريدات الموسعة، هي التغريدات التي تحوي روابط فيمكن إظهار تفاصيل أكثر ضمن التغريدة مثل لمحة عن محتوى الرابط كعنوان ومقتطف وحتى صورة أو مقطع الفيديو بحسب نوع الرابط.

أما اليوم أعلنت تويتر عن أكثر من 2000 طريقة لعرض التغريدات الموسعة بحسب نوعها والموقع المشار إليه في الرابط، وذلك على منصة تويتر على الإنترنت مباشرة أو على تطبيقاتها الرسمية للأيفون والأندرويد وحتى بلاك بيري.

فمثلاً عندما تضعط على تغريدة تحوي رابط من أحد المواقع الشريكة على تيوتر، فإن التغريدة ستتوسع وتظهر لك جزء من المحتوى في الرابط مباشرة ضمن التغريدة نفسها.

وتظهر التغريدة الموسعة عنوان الخبر، وكذلك اسم الكاتب و حسابه على تويتر وبضعة أسطر من الخبر وحتى الصورة المعبرة. طبعاً بالإضافة إلى عدد إعادة التغريد و المفضلة وإمكانية الرد مباشرة وحتى تفاصيل أكثر كالتضمين embed وغيرها ضمن خيار details.

وكمثال من حساب قناة ناشيونال جيوغرافيك الرسمي حيث تظهر التغريدة الموسعة عندما تنشر فيها القناة رابطاً من الموقع لصورة ما، فظهر الصورة مباشرة ضمن التغريدة الموسعة وبحجم كبير و وصف عنها وحتى عنوانها.

وحتى الفيديو فيمكن عرضه مباشرة ضمن التغريدة الموسعة، فلو نشر أحدهم تغريدة فيها رابط لفيديو من يوتيوب، فيمكنك بالضغط على  View media أن تشغل المقطع بالكامل ضمن التغريدة ومشاهدته بكامل الشامل ومن مشغل الفيديو الخاص بيوتيوب.

المصدر : عالم التقنية