مش عارف ليه البلد موعودة بالبلهاء والعملاء والواطيين .. يحكموها وينهبوها ... بعد ما قعدنا 30 سنة في حكم الموكوس مبارك ... افقدنا فيها كرامتنا وأهان صورتنا امام العالي العربي والغربي .. حتي اصبحت كلمة ينظر لنا باستهزاء واصبحنا نهان بكل الوسائل والطرق في اي مكان نتواجد فيه ..
والان بعد ان قمنا بالثورة وشعرنا اننا نتنفس الصعداء واننا استعدنا كرامتنا وعزتنا ونهالت علينا التهاني من كل الانحاء ، نجد مجلسنا الهمام الذي تولي مؤقتا ( وان كنت اشك في المعلومة دي ) امور البلاد .. يهين كرامتنا مرة اخري باتخاذه قرارات واهية وسخيفة كرد فعل علي مقتل جنودنا المصريين علي حدودنا مع اسرائيل .
ومش عارف الصراحة لما اتقتلوا وهما جوة حدودنا .. وده الموقف المتخاذل من المجلس العسكري ... أمال لو كانوا اتقتلوا في اي دولة تانية كان ايه .. ناويين يكفوا علي الخبر مجور ..
وانا عايز اسأل المشير طنطاوي .. يا سيادة المشير .. لو كان اللي اتقتل جنود اسرائيليون داخل الحدود الاسرائيلية بنيران الجنود المصريين ... كان حيبقي ردك ايه ... وكانت اسرائيل حاتعمل ايه .. غير انها تقوم العالم كله عليك وانك خرقت الاتفاقية واخترقت الحدود وتشيل الدنيا وماتحطها غير فوق راسك .
ده الزبالة بتاعهم اول بداية الاحداث لما انفجرت الحافلة بتاعتهم ومات جنود ليهم .. طلع فورا يجعجع في وسائل الاعلام ويسب للعالم كله علي ما حدث ويهدد ويتوعد .
واحنا اخرنا نسجب ونعترض .. ولما مجلس الوزراء بتاعتنا بعد اجتماع دام ساعات الليل ويخرج علينا النهاردة الصبح ببيان عن سحب السفير الاسرائيلي .. يتراجع عنه بسرعة ... كأنه اخطأ خطأ كبير في حق اسياده اليهود والامريكان .. واعلن ان ده مسودة ...
طب والسؤال الخبيث بقة .. هو من المفترض اننا نكتب مسودة بالبيان اللي حننشرة وبعدين نناقش بنوده ان كنا حنفذها ولا لاه ... ولا المفروض ان احنا ندرس ونتناقش وبعدين نتيجة المناقشة نطلع بيها بيان J
No comments:
Post a Comment